Tuesday, July 27

थारु पोशाक लगाएर जब कमला घिमिरे स्टेज चढिन्, उर्लीयो थामिनसक्नुको भिड (भिडियो)

May 13, 2020 890

माघी (खिचरा) पर्वको अवसरमा पूर्वी चितवनको खैरहनीमा भएको ‘सातौं खिचरा महोत्सव’ अन्तरगत धेरै दर्शकहरु उपस्थित भएका थिए । बाल गायिका कमला घिमिरेले आज खिचरा महोत्सवमा पुगेर दर्शकलाई झुमाएकी थिइन्।

महोत्सवमा दर्शकहरुको निकै भीड लागेको थियो । चर्चित कलाकारहरुको बेजोड प्रस्तुतीले दर्शकहरुले भरपुर मनोरञ्जन लिएका थिए । खैरहनी–५ गौचरनमा जारी महोत्सवको साँस्कृतिक कार्यक्रम मनोज महतोले प्रस्तुती दिएका छन् ।

उनले थुप्रै थारु गीत र नेपाली गीतबाट दर्शकहरुलाई मनोरञ्जन प्रदान गरेका थिए । दर्शकको छेउमै पुगेर गीत गाउँदा दर्शकहरुले खुबै हुटिङ गरेका थिए ।

यस्तै सामाजिक सञ्जालबाट भाइरल भएकी बाल गायिका कमला घिमिरेको पनि बेजोड प्रस्तुती रहेको थियो । थारु पोषाकमै स्टेज चढेकी कमलाको प्रस्तुतीले दर्शकहरुबाट ताली र हुटिङको वर्षात भएको थियो । कमलासंग चितवनका गायक जिवी सुनारले दोहोरी गीत प्रस्तुत गरेका थिए ।

यसैगरी भोजपुरी गायक सुनिल पण्डितले समेत महोत्सवलाई झनै भव्य बनाएका थिए । उनको थुप्रै भोजपुरी गीतमा दर्शकहरु नाचेका थिए । चितवनका युवा लोकदोहोरी गायक जिवी सुनारलगायतले सांगीतिक प्रस्तुती दिएका थिए । यस्तै आज थारु साँस्कृतिक नृत्य, अन्य विभिन्न नृत्यहरु र फेशन शो समेत गरिएको साँस्कृतिक कार्यक्रम संयोजक जयस चौधरीले जानकारी दिए ।
( यो केही समय अघिको कार्यक्रम भएको भएता पनि मनोरञ्जनको लागि यो पुन पब्लिश गरिएको छ )
भिडियो हेर्नुहोस…

प्रतिकृया दिनुहोस्